شعر شعبي للوفاء نادر جداً

ما أعوفنك أبد حالف يمين
وروحي ويه روحك أبد ماتفترك ..
حتى لو للموت أروحن هم وراك
ويا حلاة الموت من أجل العشك ..
آني لعيونك أسوي المستحيل
شيخطر أبالك أسوي بلا عقل ..
مخبل آنه وحبيت فوكاها بجنون
شتعتقد هم يصحه لو حب الخبل ..
بدونك أنت الدنيا تظلم من تغيب
ومن تجي الدنيا بوجودك تحتفل ..
بلا شعور عيوني تفرح من تفوت
وكلشي بيه يصيحلك مثل الطفل ..
أنت يالكلك أحبك مدري ليش
ومدري ليش بروحي حبك مشتعل ..
فضل من الله محبتك عندي هاي
بكل ربع ساعه تزيد وما تقل ..
شما أهز بكلبي شوكك يبقه بي
وكلها منه تطيح بس أنت تظل ..
لكل كلب مفتاح مابيها مجال
وأنت صرت الكلبي مفتاح وقفل .