قصيدة روعة للحشد ٢٠١٦ الشاعر سعود الخفاجي

حضنچ حديقة ورد ... وايدچ فراشة ضوه
مهيوبه ياخت الحشد ....ماطول اشم الهوه
تبچين ..نبچي سوه ....تضحكين ..نضحك سوه
من چنت وانه طفل ...كل دمعه ....واحة نده
..وبگماطي احس خضرمه .... من تنزل دموعچ
وكل ضحكه.. ارجف برد....
يگرگشني اصبعچ مطر.... واتدفه بضلوعچ
يمه بحلاة الصبح....ومدري شحلاته بعد .....
وجهچ لمن يبتسم
اغفه اعله كل (يالولد) ...
نام واحس لونمت... كل لحظه اعيش بحلم
بعيوني اشوفچ گمر.. يتبختر اعله السمه...
تسجدله هيبة زحل ...وبسده يغفه النجم
تمشين جنچ وطن...اور ..وعراق ونخل
وحدود ماتنچهب... كل خطوة ساتر زلم
مكفولة يم الستر .. مانرد الا بعلم ....
للموت نركض هله ولاهيبتج تنثلم
الشيلة راية بخت ....عثرت كلمن حچه
وگال المره بالحرب ... تنسبي ماتنحشم
مادرو بامي اذا لزمت الچرغد واجت
اعدال شارب كفو بزماط من ينلزم
تفزعين و انه عدل واخواني عالميمنه
وهيبة عمامي الصدگ هاللازمه الميسره
وابنچ فحل بالحرب تعرفينه ابنمن بعد
وخاله تلگه الفشگ.....
ملگه الشمس للشمس .. واتعگل بصنگره
شجابچ يبعد العمر بس انتي هيبه وعلي
موكل مره اوي الزلم ؟؟ بس انتي كلش مره
ماچن تفگ للحشد ...تنگلين كارة حطب
بت الهله ومرحبه وعالساتر موزره
تنور ام الحسن بيدچ ابد ماطفه
كل خبزه تطلع علي وطعم الخبز حيدره
الهلهوله رشگة فشگ والبرنو بيمنتچ
خوصرت حيل العدو...
گام اعله حيله نعم.. بس گام رد ليوره

لشاعرها... سعود الخفاجي